الرسالة البطريركيّة لقداسة البطريرك مار آوا الثالث، لمناسبة رأس السنة الآشوريّة الجديدة 6774      الثقافة السريانية وفرقة شمشا للتمثيل يحتفيان بيوم المسرح العالمي- عنكاوا      سوق خيري‏ بمناسبة عيد القيامة المجيد - عنكاوا      تخرج دفعة جديدة من طلبة كلية نصيبين اللاهوتية المسيحية الاشورية في سيدني      الثقافة السريانية تهنئ المسرحيين السريان بيومهم العالمي      القداس الالهي بعيد بشارة العذراء مريم بالحبل الالهي‏ - كنيسة ام النور في عنكاوا      البطريركية الكلدانية تلغي المظاهر الخارجية للاحتفال بعيد القيامة      بمشاركة مدير قسم الدراسة السريانية في تربية البصرة .. وفد مشترك يقدم محاضرات توعوية وهدايا لطلبة المدارس      العيادة المتنقلة التابعة للمجلس الشعبي تزور قرية افزروك شنو      الرسالة البطريركيّة لقداسة البطريرك مار آوا الثالث لمناسبة العيد العظيم لقيامة ربّنا للعام 2024      خبيرة ألمانية تدعو إلى الصيام عن البلاستيك      كلمة رئيس الوزراء مسرور بارزاني بشأن القرارات المُتخذة في اجتماع مجلس الوزراء      الكهرباء العراقية تعتزم شراء غاز حقل كورمور بإقليم كوردستان      الخارجية الروسية: أنشطة "الناتو" في شرق أوروبا والبحر الأسود تهدف للاستعداد لمواجهة محتملة مع روسيا      الولايات المتحدة تعرض 10 ملايين دولار مكافأة مقابل معلومات عن "القطة السوداء"      العراق يتجه لحجب "تيك توك"      الاتحاد الاسباني يرفض تخفيف عقوبة تشافي      انفوجرافيك.. عيد القيامة والبيض الملون      توضيح من مالية كوردستان حول مشروع (حسابي)      جمال كوجر: يفترض أن تطلق بغداد الأسبوع المقبل رواتب شهر آذار لموظفي اقليم كوردستان
| مشاهدات : 1509 | مشاركات: 0 | 2020-09-22 15:39:07 |

ܡܘܼܕܝܼ ܒܚܙܝܐ ܝَܘܬ ܓܘ ܨܠܝܼܒܼܐ؟

الشماس يوسف نورو

 

 

ܡܵܪܲܢ ܬܸܠܝܵܐ ܥܲܠ ܙܩܝܼܦܵܐ: ܡܲܠܘܼܦܵܐ ܗَܘ̣ܵܐ ܘܡܫܲܪܘܼܪܸܐ ܠܟܠܵܝ̈ܗܝ ܚܲܠܥܲܬܸ̈ܐ ܕܡܘܼܠܦܵܝܠܸܗ ܩܵܐ ܟܸܢܫܵܐ. ܐܝܼܢܵܐ ܡܘܼܕܝܼ ܗَܘ̣ܵܐ ܢܝܼܫܵܐ ܕܡܫܝܼܚܵܐ ܩܲܕ ܡܫܲܪܸܪ ܗَܘ̣ܵܐ ܠܐܲܢܸ̈ܐ ܚܲܠܥܲܬܸ̈ܐ ܡܼܢ ܒܪܸܫ ܨܠܝܼܒܼܵܐ، ܘܡܘܼܕܝܼ ܝَܠܸܗ ܝܘܼܬܪܵܢܵܐ ܕܕܝܼܵܢ؟.  ܡܵܪܲܢ ܐَܬܸܐܠܸܗ ܩܲܕ ܝܲܗَܒܸܠ ܚܲܝܸ̈ܐ ܩܵܐ ܒܢܲܝ̈ـܢܵܫܵܐ، ܘܒܘܼܫ ܨܦܵܝ ܡܼܢ ܕܐܵܢܝܼ̈ ܕܒܸܚܵܝܵܐ ܝَܢܵܐ ܓܵܘܵܝܗܝ. ܐܝܼܢܵܐ ܕܵܐܟܼܝܼ ܒܸܬ ܝܲܗܒܸܠܲܢ ܚܲܝܸ̈ܐ ܒܘܼܫ ܨܦܵܝ ܡܼܢ ܥܲܠ ܙܩܝܼܦܵܐ ܟܲܕ ܗ̇ܘ (ܫܘܼܠܚܵܝܵܐ ܡܼܢ ܠܒܸܫܬܸܗ، ܘܡܟܘܼܠܸܠܵܐ ܪܸܫܸܗ ܒܟܠܝܼܠܵܐ ܕܟܸܬ̈ܒܸܐ، ܘܨܸܗܝܵܐ، ܘܕܸܦܢܸܗ ܟ̰ܪܝܼܙܬܵܐ ܒܪܘܼܡܚܵܐ)...  ܡܘܼܚܸܒܝܼ: ܐܸܢ ܓܲܫܩܵܚ ܒܥܲܡܘܼܩܘܼܬܵܐ ܥܲܠ ܨܠܝܼܒܼܵܐ، ܒܸܬ ܚܵܙܵܚ (ܤܲܡܡܵܢܸ̈ܐ) ܕܸܪ̈ܡܵܢܵܢܸܐ ܠܒܵܤܘܼܡܲܢ ܡܼܢ ܡܲܪ̈ܥܸܐ ܕܚܛܝܼܵܬܲܢ...

1 ܡܫܝܼܚܵܐ ܡܫܘܼܠܚܵܐ ܡܼܢ ܠܒܸܫܬܸܗ..... ܒܸܐَܡܵܪܵܐ ܝَܠܸܗ ܟܬܵܒܼܵܐ ܩܲܕܝܼܫܵܐ (ܗܲܝܓܵܗ̇ ܤܲܪ̈ܒܵܙܸܐ ܕܗܵܟܝܼܡ: ܠܘܼܒܸܠܘܼܢ ܠܝܼܫܘܿܥ ܠܦܪܵܛܘܿܪܝܼܢ..ܘܫܘܼܠܸܚܠܘܼܢ ܐܸܠܸܗ...ܡܲܬܲܝ 27:27-28). ܐܝܼܡܵܢ ܕܚܛܹܐܠܸܗ ܒܲܪܢܵܫܵܐ ܩܲܕَܡܵܝܵܐ: ܪܥܸܫܠܸܗ ܕܫܘܼܠܚܵܝܵܐ ܝَܠܸܗ. ܘܐܵܗܵܐ ܫܘܼܠܚܵܝܘܼܬܵܐ، ܐܝܼܗَܘ̣ܵܐ ܫܘܼܠܚܵܝܘܼܬܵܐ ܕܡܼܢ ܫܵܦܵܩܲܬ ܘܠܵܐ ܕܡܼܢ ܠܒܸܫܬܵܐ. ܗܲܕܟܼܵܐ ܐܝܼܬ ܝܸܤܘܼܪܵܐ ܒܹܝܠ ܫܘܼܠܚܵܝܘܼܬܵܐ ܘܚܛܝܼܬܵܐ ܡܼܢ ܫܘܼܪܵܝܵܐ. ܓܵܘ ܡܲܬܠܵܐ ܕܒܪܘܿܢܵܐ ܐܵܤܘܼܛܵܐ، ܒܸܬ ܚܵܙܵܚ ܕܗ̇ܘ ܒܪܘܿܢܵܐ ܒܸܕܝܵܪܵܐ ܝَܠܸܗ ܠܟܸܤ ܒܵܒܸܗ ܫܘܼܠܚܵܝܵܐ ܘܚܸܦܝܵܝܵܐ... ܘܦܩܸܕܠܸܗ ܒܵܒܸܗ ܕܡܲܠܒܼܝܼܫܝܼܠܸܗ ܓ̰ܘܼܒܵܐ ܪܸܫܵܝܬܵܐ، ܘܡܲܬܒܼܝܼ ܨܵܘ̈ܠܸܐ ܒܐܲܩܠܵܬܸ̈ܗ. ܘܟܠܵܗ̇ ܐܵܗܵܐ ܡܲܚܙܘܼܝܵܢ ܝܼܠܵܗ̇ ܠܐܲܗܘܵܠ ܕܪܚܲܩܬܵܐ ܡܼܢ ܐܲܠܵܗܵܐ.

ܘܡܘܼܕܝܼ ܒܸܬ ܥܵܒܸܕ....

ܐܝܼܡܵܢ ܕܚܙܸܐܠܸܗ ܡܵܪܝܵܐ ܕܐܵܕܵܡ ܘܙܲܪ̈ܥܘܼܗܝ ܫܘܼܠܚܵܝܵܐ ܝَܢܵܐ، ܡܫܘܼܕܸܪܸܗ ܠܒܪܘܿܢܸܗ ܐܵܕܵܡ ܬܪܲܝܵܢܵܐ، ܘܒܨܸܒܼܝܵܢܵܐ ܕܓܵܢܸܗ ܦܝܼܫܠܸܗ ܡܫܘܼܠܚܵܐ ܩܲܕ ܡܟܵܤܸܗ ܠܫܘܼܠܚܵܝܘܼܬܵܐ ܕܐܵܕܵܡ ܩܲܕَܡܵܝܵܐ، ܘܒܢܘܼܢ̈ܘܼܗܝ. (ܩܲܕَܡ ܡܵܫ̄ܟ̰ܸܚܠܝܼ ܒܪܘܿܢܵܐ ܕܐܲܠܵܗܵܐ ܫܘܼܠܚܵܝܵܐ ܡܼܢ ܡܲܟܝܼܟܼܘܼܬܵܐ، ܘܩܲܕَܡ ܡܟܵܤܝܼܠܝܼ ܒܡܲܟܝܼܟܼܘܼܬܸܗ. ܩܲܕَܡ ܡܵܫ̄ܟ̰ܸܚܠܝܼ ܫܘܼܠܚܵܝܵܐ ܡܼܢ ܚܘܼܒܵܐ، ܘܩܲܕَܡ ܡܟܵܤܝܼܠܝܼ ܒܚܘܼܒܸܗ. ܩܲܕَܡ ܡܵܫ̄ܟ̰ܸܚܠܝܼ ܫܘܼܠܚܵܝܵܐ ܡܼܢ ܬܘܼܟܼܠܵܢܵܐ ܕܥܲܠ ܐܲܠܵܗܵܐ، ܘܩܲܕَܡ ܡܟܵܤܝܼܠܝܼ ܒܬܲܡܵܡܬܵܐ ܕܨܸܒܼܝܵܢܵܐ ܕܒܵܒܵܐ. ܩܲܕَܡ ܡܵܫ̄ܟ̰ܸܚܠܝܼ ܫܘܼܠܚܵܝܵܐ ܡܼܢ ܡܲܨܝܲܬܵܐ ܠܐܲܠܵܗܵܐ، ܘܩܲܕَܡ ܡܟܵܤܝܼܠܝܼ ܒܡܲܨܝܲܬܬܸܗ ܠܒܵܒܵܐ ܗܲܠ ܡܵܘܬܵܐ. ܩܲܕَܡ ܡܵܫ̄ܟ̰ܸܚܠܝܼ ܫܘܼܠܚܵܝܵܐ ܡܼܢ ܕܸܟܼܝܘܼܬܵܐ، ܘܩܲܕَܡ ܡܟܵܤܝܼܠܝܼ ܒܠܒܸܫܬܵܐ ܕܕܸܟܼܝܘܼܬܵܐ.) ܘܕܠܵܐ ܫܸܟ ܐܵܗܵܐ ܗَܘ̣ܵܐ ܕܒܘܼܬ ܕܝܼܘܿܗ̇ ܡܢܘܼܒܸܐܠܸܗ ܐܸܫܲܥܝܵܐ ܢܒܼܝܼܵܐ ܘܐَܡܸܪܸܗ (ܚܕܵܝܵܐ ܒܸܬ ܚܵܕܸܢ ܒܡܵܪܝܵܐ: ܦܵܨܚܵܐ ܓܵܢܝܼ ܒܐܲܠܵܗܝܼ: ܤܵܒܵܒ ܕܡܘܼܠܒܼܸܫܸܢܸܐ ܓ̰ܘܼܠܸ̈ܐ ܕܦܘܼܪܩܵܢܵܐ. ܥܵܒܵܝܵܐ ܕܙܲܕܝܼܩܘܼܬܵܐ ܩܲܡ ܡܲܩܛܸܘܠܝܼ: ܐܲܝܟܼ ܚܸܬܢܵܐ ܕܡܲܫܦܸܪ ܫܲܡܠܵܐ: ܘܐܲܝܟܼ ܟܲܠܬܼܵܐ ܕܤܵܩܠܵܐ ܒܚܫܲܠܝܵܬܘܿܗ̇...ܐܸܫܲܥܝܵܐ 10:61). ܐܵܢܝܼ̈ ܕܫܘܼܠܸܚܠܗَܘܼܢ ܠܡܫܝܼܚܵܐ ܒܥܸܕܵܢܵܐ ܕܨܠܲܒܼܬܸܗ: ܕܠܵܐ ܕܥܵܝܬܵܝܗܝ ܒܸܒܥܵܝܵܐ ܗَܘ̤ܵܘ ܕܐܵܕܵܡ ܩܲܕَܡܵܝܵܐ ܦܵܐܸܫ ܗَܘ̣ܵܐ ܡܫܘܼܠܚܵܐ ܡܼܢ ܟܠ ܫܵܦܵܩܲܬ ܘܚܲܠܥܲܬ. ܐَܬܸܐܠܸܗ ܡܫܝܼܚܵܐ ܠܟܸܤܠܵܝܗܝ ܩܲܕ ܡܟܵܤܸܗ ܠܫܘܼܠܚܵܝܘܼܬܵܝܗܝ ܘܡܟܵܤܸܗ ܠܢܚܸܦܬܵܝܗܝ، ܐܝܼܢܵܐ ܒܤܸܡܠܵܐ ܠܗَܘܼܢ ܕܦܵܫܝܼ ܫܘܼܠܚܵܝܸ̈ܐ ܡܼܢ ܟܠ ܛܲܝܒܘܼܬܼܵܐ. ܓܵܘ ܤܸܦܪܵܐ ܕܓܸܠܝܵܢܵܐ: ܒܸܐَܡܵܪܵܐ ܝَܠܸܗ ܡܵܪܝܵܐ (ܡܫܝܼܚܵܐ) ܩܵــــــܐ ܡܲܠܲܐܟܼܵܐ (ܚܸܠܡܲܬܟܲܪ) ܕܥܹܕܬܵܐ ܕܠܵܕܝܼܩܝܼܵܐ (ܒܸܬ ܓܵܤܸܢܘܼܟܼ ܡܼܢ ܦܘܼܡܝܼ ܤܵܒܵܒ ܒܸܐَܡܵܪܵܐ ܝَܘܸܬ: ܕܵܘܠܲܬܡܲܢܕ ܝܼܘܸܢ ܘܙܝܼܕܵܐ ܝَܘܸܢ: ܘܥܲܠ ܡܸܢܕܝܼ ܤܘܼܢܩܵܢܵܐ ܠܝܼܬ ܠܝܼ: ܘܠܹܐ ܝَܘܸܬ ܒܸܕܥܵܝܵܐ ܕܐܲܢَܬ ܐܝܼܘܸܬ ܙܲܒܘܼܢ، ܘܫܲܩܝܼ، ܘܡܸܤܟܸܢܵܐ، ܘܤܸܡܝܵܐ، ܘܫܘܼܠܚܵܝܵܐ. ܒܸܥܒܼܵܕܵܐ ܝَܘܸܢ ܪܵܐܝ ܐܸܠܘܼܟܼ ܠܸܙܒܼܵܢܵܐ ܡܸܢܝܼ ܕܲܗܒܼܵܐ ܕܝܼܠܸܐ ܨܘܼܪܸܦܵܐ ܡܼܢ ܢܘܼܪܵܐ: ܕܗܵܘܸܬ ܕܵܘܠܲܬܡܲܢܕ: ܘܠܒܼܘܼܫܸ̈ܐ ܚܘܵܪܸ̈ܐ: ܕܦܵܝܫܸܬ ܡܘܼܠܒܼܸܫܵܐ... ܓܸܠܝܵܢܵܐ 14:3-18) ܡܵܪܲܢ ܒܘܼܬ ܚܵܬܸܪܲܢ ܦܝܼܫܠܸܗ ܡܫܘܼܠܚܵܐ ܩܲܕ ܡܟܵܤܸܐܠܲܢ ܒܛܲܝܒܘܼܬܸܗ. ܐܵܕܵܡ ܩܲܕَܡܵܝܵܐ ܘܒܢܘܼܢ̈ܘܼܗܝ ܦܝܼܫܠܗَܘܼܢ ܡܫܘܼܠܚܸ̈ܐ، ܒܲܤ: ܒܡܘܼܕܝܼ ܦܵܝܫܝܼ ܡܟܘܼܤܝܸ̈ܐ؟ ܡܓ̰ܲܘܘܼܒܵܐ ܝَܠܸܗ ܦܵܘܠܘܼܤ ܫܠܝܼܚܵܐ ܘܒܸܐَܡܵܪܵܐ (ܟܲܕ ܝܵܕܥܵܚ ܙܲܒܼܢܵܐ: ܕܤܵܥܲܬ ܝܼܠܵܐ ܡܐܵܕܝܼܵܐ ܕܪܵܝܥܫܵܚ ܡܼܢ ܫܸܢܬܲܢ: ܤܵܒܵܒ ܐܵܕܝܼܵܐ ܒܘܼܫ ܙܵܘܕܵܐ ܩܘܼܪܒܵܢܵܐ ܝَܢܵܐ ܐܸܠܲܢ ܚܲܝܵܢ ܡܼܢ ܕܟܲܕ ܗܘܼܡܸܢܲܢ. ܠܵܝܠܸܐ ܥܒܼܝܼܪܵܐ ܝَܠܸܐ: ܘܐܝܼܡܵܡܵܐ ܩܘܼܪܒܸܢܵܐ ܝَܠܸܐ. ܒܲܤ ܪܲܦܵܚ ܡܸܢܲܢ ܦܘܼܠܚܵܢܸ̈ܐ ܕܚܘܼܝܵܐ: ܘܠܲܒܼܫܵܚ ܟ̰ܲܟܵܐ ܕܒܲܗܪܵܐ. ܐܲܝܟܼ ܕܒܐܝܼܡܵܡܵܐ ܒܐܵܕܵܒܘܼܬܵܐ ܚܵܕܪܵܚ: ܠܵܐ ܒܙܡܵܪܵܐ ܘܒܪܵܘܵܝܘܼܬܵܐ: ܠܵܐ ܒܸܕܡܵܟܼܵܐ ܟ̰ܲܦܵܠ ܘܒܦܲܚܙܘܼܬܵܐ: ܠܵܐ ܒܒܲܚܠܵܢܘܼܬܵܐ ܘܒܡܲܩܪܵܨܘܼܬܵܐ. ܐܸܠܵܐ ܠܒܼܘܼܫܘܼܢ ܠܡܵܪܲܢ ܝܼܫܘܿܥ ܡܫܝܼܚܵܐ: ܘܠܵܐ ܐܲܟܼܠܝܼܬܘܼܢ ܚܲܡ ܕܒܸܤܪܘܿܟܼܘܿܢ ܠܫܲܗܘܵܬܝܵܬܸ̈ـــܐ...ܪ̈ܗَܘܿܡܵܝܸܐ 11:13-14). ܐܝܼܡܵܢ ܕܓܲܫܩܵܚ ܥܲܠ ܡܫܝܼܚܵܐ ܘܗ̇ܘ ܬܸܠܝܵܐ ܥܲܠ ܙܩܝܼܦܵܐ ܫܘܼܠܚܵܝܵܐ، ܕܵܟܼܪܵܚ ܕܐܲܚܢܵܢ ܗܘܸܐܠܲܢ ܥܸܠܬܵܐ ܕܫܘܼܠܚܵܝܘܼܬܸܗ.. ܘܡܸܢَܕܪܸܫ̄ ܓܵܪܲܓ ܕܵܟܼܪܵܚ ܕܠܸܐ ܦܵܝܫܵܚ ܡܟܘܼܤܝܸ̈ܐ ܐܸܠܵܐ ܒܗ̇ܘ..ܘܡܸܢَܕܪܸܫ̄ ܕܵܟܼܪܵܚ ܕܓܵܘ ܟܠ ܓܵܗܵܐ ܕܟܸܐ ܚܵܛܵܚ: ܒܸܫܠܵܚܵܐ ܝَܘܵܚ ܠܡܫܝܼܚܵܐ ܡܼܢ ܠܒܸܫܬܸܗ!!!!

2 ܪܸܫܸܗ ܡܟܘܼܠܸܠܵܐ ܒܟܸܬ̈ܒܼܸܐ..... ܟܸܬܒܼܵܐ ܪܸܡܙܵܐ ܝَܠܸܗ ܕܠܵܘܛܬܵܐ ܒܥܸܠܬܵܐ ܕܚܛܝܼܬܵܐ ܕܒܲܪܢܵܫܵܐ.(ܠܝܼܛܬܵܐ ܝَܠܵܗ̇ ܐܲܪܥܵܐ ܒܘܼܬ ܕܝܼܘܼܟܼ: ܒܥܲܙܵܒ ܒܸܬ ܐܲܟܼܠܸܬܠܵܗ̇ ܟܠܵܗ̇ ܝܵܘܡܵܢܸ̈ܐ ܕܚܲܝܘܼܟܼ: ܘܟܸܬ̈ܒܸܐ ܘܩܝܼܘܵܪܸ̈ܐ ܒܸܬ ܡܲܓ̰ܝܸܢܵܗ̇ ܐܸܠܘܼܟܼ..ܒܪܝܼܬܵܐ18،17:3) ܘܐَܬܸܐܠܸܗ ܡܫܝܼܚܵܐ ܘܗܘܸܐܠܸܗ ܠܵܘܛܬܵܐ ܒܘܼܬ ܚܵܬܸܪܲܢ (ܓܵܠܵܛܵܝܸ̈ܐ 13:3). ܘܗܲܕܟܼܵܐ:ܦܝܼܫܠܸܗ ܥܒܼܝܼܕܵܐ ܗ̇ܘܕܠܹܐ ܝܵܕܥܸܐ ܠܚܛܝܼܬܵܐ:ܚܛܝܼܬܵܐ ܒܘܼܬ ܚܵܬܸܪܲܢܩܲܕ ܗܵܘܵܚ ܐܲܚܢܵܢ ܓܵܘܸܗ ܕܸܟܼܝܸ̈ܐ ܠܐܲܠܵܗܵܐ (2ܩܘܿܪ̈ܲܢܬܵܝܸܐ 21:5). ܐܸܢ ܟܸܬ̈ܒܸܐ ܒܸܪܡܵܙܵܐ ܝَܢܵܐ ܠܚܛܝܼܬܵܐ ܕܠܵܘܛܬܵܐ، ܗܵܐ ܡܫܝܼܚܸܐ ܐَܬܸܐܠܸܗ ܘܦܝܼܫܠܸܗ ܙܩܝܼܦܵܐ ܒܘܼܬ ܚܵܬܸܪܲܢ، ܘܫܩܸܠܸܗ ܡܸܢܲܢ ܟܸܬ̈ܒܸܐ ܕܚܛܝܼܵܬܲܢ ܘܡܘܼܬܒܼܵܝܠܸܗ ܒܪܸܫ ܗ̇ܝ ܕܘܼܟܵܐ ܒܘܼܫ ܡܩܘܼܕܸܫܬܵܐ ܕܓܵܘ ܦܲܓܼܪܸܗ: ܕܐܝܼܠܸܗ ܪܸܫܸܗ ܕܸܟܼܝܵܐ. ܒܲܪܢܵܫܵܐ ܡܟܘܼܠܸܠܸܗ ܪܸܫܵܐ ܕܡܫܝܼܚܵܐ ܒܟܸܬ̈ܒܸܐ، ܐܝܼܢܵܐ ܗ̇ܘ (ܡܫܝܼܚܵܐ) ܡܟܘܼܠܸܠܸܗ ܠܒܲܪܢܵܫܵܐ ܒܫܘܼܒܼܚܵܐ ܘܐܝܼܩܵܪܵܐ. ܡܫܝܼܚܲܵܐ ܓܵܘ ܡܵܘܬܸܗ ܡܫܘܼܚܠܸܦܠܸܗ ܠܟܸܬ̈ܒܸܐ ܠܬܵܐܓܼܵܐ ܕܫܘܼܒܼܚܵܐ ܘܐܝܼܩܵܪܵܐ ܩܵܐ ܒܲܪܢܵܫܵܐ ܚܲܛܵܝܵܐ.

ܒܲܤ ܟܠ ܚܛܝܼܬܵܐ ܕܥܲܒܼܕܵܚܠܵܗ̇، ܡܲܬܘܼܒܼܵܐ ܝَܘܵܚ ܚܲܕَ ܟܸܬܒܼܵܐ ܓܵܘ ܪܸܫܵܐ ܕܡܫܝܼܚܵܐ....

3 ܡܫܝܼܚܵܐ ܨܸܗܝܵܐ..... ܙܩܝܼܦܵܐ ܐَܡܸܪܸܗ ܡܫܝܼܚܵܐ (ܐܵܢܵܐ ܨܸܗܝܵܐ ܝَܘܸܢ..ܝܘܼܚܲܢܵܢ 28:19). ܡܘܼܕܝܼ ܗَܘ̣ܵܐ ܡܲܥܢܵܝܵܐ ܕܡܫܝܼܚܵܐ، ܕܥܲܠ ܙܩܝܼܦܵܐ ܐَܡܸܪܸܗ ܐܵܢܵܐ ܨܸܗܝܵܐ ܝَܘܸܢ؟ ܝܵܐ ܪܲܒ ܨܸܗܝܵܐ ܗَܘ̣ܵܐ ܠܡܝܼܵܐ ܝܵܢ ܠܡܸܢܕܝܼ ܐَܚܸܪَܢܵܐ؟  ܓܵܘ ܗܲܩܝܵܬ ܕܬܦܲܩܬܵܐ ܕܡܫܝܼܚܵܐ ܥܲܡ ܒܲܟܼܬܵܐ ܫܲܡܪܵܝܬܵܐ: ܐَܡܸܪܸܗ ܐܸܠܘܿܗ̇ (ܗܲܒܼܠܝܼ ܕܫܵܬܸܢ)....ܘܗܘܸܐܠܸܗ ܚܲܕَ ܕܘܼܪܵܫܵܐ ܝܵܪܝܼܟܼܵܐ ܒܹܝܠ ܡܫܝܼܚܵܐ ܘܗ̇ܝ ܒܲܟܼܬܵܐ، ܘܢܝܼܫܘܼܗܝ ܐܝܼܗَܘ̣ܵܐ ܦܘܼܪܩܵܢܵܐ ܕܗ̇ܝ ܒܲܟܼܬܵܐ ܚܲܛܵܝܬܵܐ ܕܐܝܼܬ ܗَܘ̣ܵܐ ܠܵܗ̇ ܚܲܡܫܵܐ ܓܲܒܼܪܸ̈ܐ، ܘܗ̇ܘ ܕܥܲܡܘܿܗ̇ ܝܼܗَܘ̣ܵܐ ܒܗ̇ܝ ܥܕܵܢܵܐ ܠܹܐ ܗَܘ̣ܵܐ ܓܲܒܼܪܘܿܗ̇.. ܐܝܼܢܵܐ ܗ̇ܝ ܫܲܡܪܵܝܬܵܐ ܠܵܐ ܡܘܿܩܪܸܒܼܠܵܗ̇ ܩܵܬܸܗ ܡܝܼܵܐ ܐܸܠܵܐ ܓܵܢܘܿܗ̇.. ܠܵܐ ܡܘܼܫܦܸܚܠܸܵܗ̇ ܩܵܬܸܗ ܡܝܼܵܐ ܡܼܢ ܠܝܼܢܬܘܿܗ̇، ܐܸܠܵܐ ܡܘܼܫܦܸܚܠܵܗ̇ ܬܲܚܡܲܢܝܵܬܸ̈ܐ ܕܓܵܘ ܠܸܒܘܿܗ̇.. ܒܲܤ: ܡܫܝܼܚܵܐ ܨܸܗܝܵܐ ܗَܘ̣ܵܐ ܠܦܘܼܪܩܵܢܵܐ ܕܓܵܢܘܿܗ̇!!!!!. ܗܲܕܟܼܵܐ: ܡܫܝܼܚܵܐ ܥܲܠ ܙܩܝܼܦܵܐ ܠܹܐ ܗَܘ̣ܵܐ ܨܸܗܝܵܐ ܠܡܝܼܵܐ، ܐܸܠܵܐ ܠܦܘܼܪܩܵܢܵܐ ܕܓܵܢܵܬܸ̈ܐ ܕܦܝܼܫܵܐ ܗَܘ̤ܵܘ ܓܒܼܝܼܠܸ̈ܐ ܒܦܸܠܚܵܢܵܐ ܕܐܝܼܕܵܬܸ̈ܗ. ܡܫܝܼܚܵܐ ܓܵܘ ܟܵܪܘܼܙܘܼܬܸܗ ܕܒܪܸܫ ܛܘܼܪܵܐ، ܝܘܼܗَܒܸܠܸܗ ܛܘܼܒܼܵܐ ܩܵܐ ܟܦܝܼܢܸ̈ܐ ܘܨܸܗܝܸ̈ܐ ܕܠܟܹܐܢܘܼܬܵܐ. ܘܟܹܐ ܡܵܨܸܗ ܠܡܲܤܒܼܘܼܥܝܸܐ ܠܨܲܗܘܵܐ ܕܓܵܢܘܼܟܼ (ܘܟܠ ܕܫܵܬܸܐ ܡܼܢ ܡܝܼܵܐ ܕܐܵܢܵܐ ܝܵܗَܒܸܢܸܗ: ܒܸܬ ܗܵܘܝܼ ܓܵܘܸܗ ܥܲܝܢܵܐ ܕܡܝܼܵܐ ܕܢܲܒܼܥܝܼ ܠܚܲܝܸ̈ܐ ܕܠܐܵܒܵܕ..ܝܘܼܚܲܢܵܢ14:4)، (ܐܸܢ ܐَܢܵܫܵܐ ܨܸܗܝܵܐ ܝَܠܸܗ: ܐܵܬܸܐ ܠܟܸܤܠܝܼ ܘܫܵܬܸܐ...ܝܘܼܚܲܢܵܢ 37:7)، ( ܠܗ̇ܘ ܕܐܝܼܠܸܐ ܨܸܗܝܵܐ ܐܵܢܵܐ ܒܸܬ ܝܵܗَܒܸܢ ܡܼܢ ܥܲܝܢܵܐ ܕܡܝܼܵܐ ܚܲܝܸ̈ܐ ܚܘܼܪܵܝ..ܓܸܠܝܵܢܵܐ 6:21).

4 ܕܸܦܢܸܗ ܟ̰ܪܝܼܙܬܵܐ ܒܪܘܼܡܚܵܐ...

ܒܸܐَܡܵܪܵܐ ܝَܠܸܗ ܝܘܼܚܲܢܵܢ ܫܠܝܼܚܵܐ ܓܵܘ ܤܸܦܪܵܐ ܕܓܸܠܝܵܢܵܐ (ܗܵܐ ܒܸܐَܬܵܝܵܐ ܝَܠܸܗ ܥܲܡ ܥܲܝ̈ܒܸܐ، ܘܒܸܬ ܚܵܙܝܼܠܸܗ ܟܠܵܝ ܥܲܝ̈ܢܸܐ: ܘܐܘܼܦ ܐܵܢܝܼ̈ ܕܟ̰ܪܸܙܠܘܼــــــــــــܢ ܐܸܠܸܗ: ܘܒܸܬ ܥܲܒܼܕܝܼ ܬܵܙܝܼ ܥܲܠܘܼܗܝ ܟܠܵܝ ܐܘܼܓ̰ܵܓܼܸ̈ܐ ܕܐܲܪܥܵܐ: ܗܸܐ ܐܵܡܹܝܢ... ܓܸܠܝܵܢܵܐ 7:1).  ܗ̇ܘ ܕܡܚܸܐܠܸܗ ܠܡܫܝܼܚܵܐ ܒܪܘܼܡܚܵܐ ܥܲܠ ܨܠܝܼܒܼܵܐ ܐܝܼܗَܘ̣ܵܐ ܚܲܕَ ܤܲܪܒܵܙ (ܝܘܼܚܲܢܵܢ 34:19) ܐܝܼܢܵܐ ܓܵܘ ܓܸܠܝܵܢܵܐ ܒܸܐَܡܵܪܵܐ ܝَܠܸܗ (ܘܐܵܢܝܼ ܕܟ̰ܪܸܙܠܘܼܢ) ܩܵܡܘܼܕܝܼ؟  ܤܵܒܵܒ ܗ̇ܘ ܤܲܪܒܵܙ ܕܡܚܸܐܠܸܗ ܠܡܫܝܼܚܵܐ ܒܪܘܼܡܚܵܐ ܠܹܐ ܗَܘ̣ܵܐ ܒܢܲܦ̮ܫܸܗ، ܐܸܠܵܐ ܪܵܒܵܐ ܟ̰ܪܸܙܠܘܼܢ: ܘܪܵܒܵܐ ܟܸܐ ܡܵܚܝܼܠܸܗ ܘܗܲܠ ܐܸܕܝܘܼܡ ܝܵܘܡܵܐ. ܡܚܵܝܬܵܐ ܕܪܘܼܡܚܵܐ: ܡܚܵܝܬܵܐ ܝَܠܵܗ̇ ܕܚܛܝܼܬܵܐ، ܕܒܝܼܵܗ̇ ܟܸܐ ܡܵܚܵܚ ܠܡܫܝܼܚܵܐ ܒܟܠ ܥܕܵܢܵܐ ܕܟܸܐ ܚܵܛܵܚ.  ܒܡܚܵܝܬܵܐ ܕܪܘܼܡܚܵܐ ܠܕܸܦܢܵܐ ܕܡܫܝܼܚܵܐ: ܬܲܪܥܵܐ ܕܚܲܝܸ̈ܐ ܦܝܼܫܠܸܗ ܦܬܝܼܚܵܐ، ܘܡܸܢܸܗ ܢܒܸܥܠܘܼܢ ܐَܪ̈ܵܙܸܐ ܕܥܹܕܬܵܐ ܕܠܵܐ ܕܝܼܵܝܗܝ ܠܹܐ ܥܲܒܼܪܵܚ ܠܚܲܝܸ̈ܐ ܫܲܪܝܼܪܸ̈ܐ ܘܐܵܒܵܕܝܼܢܵܝܸ̈ܐ. ܕܸܡܵܐ ܦܝܼܫܠܸܗ ܡܬܘܼܦܚܵܐ ܩܵܐ ܫܒܼܵܩܵܐ ܕܚܛܝܼܵܬܸ̈ܐ، ܘܡܝܼܵܐ ܦܝܼܫܠܘܼܢ ܝܘܼܗَܒܸܐ ܩܵܐ ܓܘܼܪܢܵܐ ܕܡܲܥܡܘܿܕܝܼܬܵܐ. ܘܐܵܗܵܐ ܦܝܼܫܠܵܗ̇ ܓܠܝܼܬܵܐ ܒܩܵܕܝܼܡܝܼ ܐܝܼܡܵܢ ܕܦܝܼܫܠܸܗ ܦܩܝܼܕܵܐ ܢܘܼܚ ܕܛܵܪܸܨ ܠܬܲܪܥܵܐ ܡܼܢ ܕܸܦܢܵܐ ܕܩܸܒܼܘܼܬܵܐ (ܒܪܝܼܬܵܐ 16:6) ܕܡܸܢܸܗ ܥܲܒܼܪܝܼ ܚܲܝ̈ܘܵܬܼܵܐ ܕܦܝܼܫܵܐ ܗَܘ̤ܵܘ ܡܘܼܪܝܸܙܸܐ ܕܠܵܐ ܬܲܠܩܝܼ ܒܛܵܘܦܵܢܵܐ. ܗܲܕܟܼܵܐ ܥܹܕܬܵܐ ܦܝܼܫܠܵܗ̇ ܡܘܼܕܡܝܼܬܵܐ ܒܗ̇ܝ ܩܸܒܼܘܼܬܵܐ!!!!. ܘܒܘܼܬ ܕܐܵܗܵܐ ܦܝܼܫܠܵܗ̇ ܡܛܘܼܪܸܨܬܵܐ ܒܲܟܼܬܵܐ ܩܲܕَܡܵܝܬܵܐ ܡܼܢ ܕܸܦܢܵܐ ܕܓܲܒܼܪܵܐ ܘܗ̇ܘ ܕܡܝܼܟܼܵܐ (ܒܪܝܼܬܵܐ 22:2) ܘܦܝܼܫܠܵܗ̇ ܩܪܝܼܬܵܐ ܚܵܘܵܐ: ܝܵܥܢܝܼ (ܚܲܝܸ̈ܐ) ܘܝܸܡܵܐ ܕܟܠ ܚܵܝܵܐ (ܒܪܝܼܬܵܐ 20:3). ܘܐܵܕܵܡ ܬܪܲܝܵܢܵܐ ܡܘܼܓܢܸܐܠܸܗ ܠܪܸܫܸܗ ܘܕܡܸܟܼܠܸܗ ܥܲܠ ܨܠܝܼܒܼܵܐ ܩܲܕ ܦܵܝܫܵܗ̇ ܡܛܘܼܪܸܨܬܵܐ ܩܵܬܸܗ ܟܲܠܬܵܐ ܡܼܢ ܗ̇ܘ ܕܓ̰ܪܸܐܠܸܗ ܡܼܢ ܕܸܦܢܸܗ.

ܘܗܲܠ ܠܲܐܟܼܵܐ ܩܲܢܝܝܼ ܒܸܟܠܵܝܵܐ ܝَܠܵܗ̇ ܟܲܕ ܡܲܓ̰ܪܘܼܝܸܐ ܕܸܡܥܸ̈ܐ ܥܲܠ ܗ̇ܘ ܕܬܸܠܝܵܐ ܝَܠܸܗ ܥܲܠ ܨܠܝܼܒܼܵܐ!!!!!










أربيل - عنكاوا

  • موقع القناة:
    www.ishtartv.com
  • البريد الألكتروني: web@ishtartv.com
  • لارسال مقالاتكم و ارائكم: article@ishtartv.com
  • لعرض صوركم: photo@ishtartv.com
  • هاتف الموقع: 009647516234401
  • رقم الموقع: 07517864154
  • رقم إدارة القناة: 07504155979
  • البريد الألكتروني للإدارة:
    info@ishtartv.com
  • البريد الألكتروني الخاص بالموقع:
    article@ishtartv.com
جميع الحقوق محفوظة لقناة عشتار الفضائية © 2007 - 2024
Developed by: Bilind Hirori
تم إنشاء هذه الصفحة في 0.5807 ثانية