ميرزا في هذا اليوم ...

في هذا اليوم

المصاب بضربة الرفض

في ذروة الذكرى

الفارة من سهوات القناعة

في صفر الأصياف والأشتية

المملوءة بالصور

في منطق

الوقت العازل

في أربعة وخرف

الفراغ الزائر

في تنبؤات الظل الإلغائي

في فوضى الاهتراء النزعوي

ميرزا

على شفا نقاط المؤامرة

--------------------------------------------

ميرزا من هناك ...

يمر من هنا

اليوم

انكماشة الفراكتال

الظل اللاآدمي

محولجي التصفية الجندرية

كناشة المستقبل القديم

الدم الميت

نواة الحمق

سلالات كعب أخيل

ويمر من هناك

ميرزا

--------------------------------------------

اوعى يا ميرزا ...

اوعى

اليوم يخش في غرفة العفرتة

اوعى

اليوم يزهق من الشيلة

اوعى

اليوم يتكلم عن اللي فات

اوعى

اليوم يضحك على المكان ويسلموا للصور

اوعى

اليوم يخليك تنسى الجرح والملح

اوعى

اليوم يدخل الحتة اللي في اخر الظل

اوعى

اليوم يسيب الندل اللي بدورعليه

اوعى

يا ميرزا

--------------------------------------------

وانت راجع يا ميرزا ...

وانت راجع يا ميرزا

بص

عالجنب الوراني لليوم

بس متكلموش

عن الصور اللي اتكسرت في الامفورة

وانت راجع

متنساش تجيب معك

ازازة مية النار

متفتحهاش

عشان المكان ميتوسخش

وانت راجع

طل

على الظل المرمي في الخرابة

يمكن عايز دوشة

وانت راجع

حط ملح وجرح في الجواب

زي الهوى

وانت راجع

دق عالهوا

--------------------------------------------

متبصش وراك يا ميرزا ...

اخلع اليوم

ولع لمبة الملح وانت داخل

اوضة الـ كشاكيل

تحت البدروم

دور الـ بلياتشوات

فوق السطوح

كوالين الكوبري

اللي بيوصل للمكان

الكوبيات الافرنجي

المليانة شناكل

الشماريخ الفاضية

المحطوطة على الـ طز

البويات المتلقحة

في نمرة الجرح

بس

متبصش وراك يا ميرزا

--------------------------------------------

ولاد الحرام يا ميرزا ...

خش في اليوم

هتلاقي

معدية مفيهاش ونش

اركب الوش المكلكع

خليك شمال الكلاكيع

هات معاك

قلة ملح وانت جاي

خد طاقية الظل

وانت نازل النشان

المكان

اللي فيه يوم

لـ ولاد الحرام

يا ميرزا

--------------------------------------------

ميرزا الأول ...

رغبة لحنية

تصريف

نداء هامشي

كسر في

زوائد المجهول

عطلة الذاكرة

مثل

السلويت اللاارادي

التحامات

الطبعة الأولى

مع

ميرزا الأول

--------------------------------------------

ميرزا ...

مانع أسمار

تكنولوجيا بولترجايست

ثوان كارستية

من

تختية الصور

بوابة نقطية

لـ الجول

إعلان التشفي

و

التمثيل باليوم

عقدة ظهرية

لإلهام

ميرزا

وسط السم